Imminut toquttarneq pillugu pinaveersaartitsineq
2007-mi oqarasuaatikkut inunnut nalaatsinerlunnermik aqqusaagaqarsimasunut siunnersuisoqalerpoq Attavik 146-mik taaneqartumik. Siunnersuineq akeqanngilaq kinaassutsimillu isertuussiviulluni nuna tamakkerlugu siunnersuiffiusoq.
Imminut toquttarneq pillugu PAARISA kommuneqarfinnik pinaveersaartitsinermi qanimut suleqateqarpoq aammalu inunnik suliamut attuumassutilinnik pinaveersaartitsinissamik pikkorissaasarluni. Paarisa TV-kut radiokullu imminoortarneq pinaveersaartitsinerlu pillugit aallakaatitassiortarpoq.
Statens Institut for folkesundhed 2011-mi “Kalaallit Nunaanni inuusuttut atugarissaarnerat” pillugu misissuinermik naammassisaqarpoq. Misissuinermi paasisat”Inuusuttuunerup ullui oqimaatsut”-mik qulequtsikkami saqqummiussaapput takuneqarsinnaallunilu www.si-folkesund.dk alakkarneratigut.
Titartagaq 11.1. Kalaallit Nunaanni Imminoortarneq
Najoqqutaq: Naatsorsueqqissaartarfik